Ямал ўзининг ташқи кўринишига катта эътибор беришини таъкидлади

"Барселона" вингери Ламин Ямал ўзини жамоадаги энг стилни футболчи деб ҳисоблашини айтди.

"Мен илҳомни рассомлар, мусиқачилар ва актёрлардан олишни яхши кўраман. Албатта, "Олтин тўп" маросими бу – нафосат кечаси, лекин мен доим ўз услубимни қўшишга ҳаракат қиламан. Баъзан стилистлар билан келишмовчиликлар ҳам бўлади, аммо охир-оқибат ўзимникини ўтказаман.

Галстукка ҳеч қачон ҳавас қилмаганман, лекин яқиндаги фотосессияда улар менга ёққанини ҳис қилдим. Асосан кўпроқ кундалик ва кўча услубидаги кийимларни афзал кўраман, аммо бу вазиятга боғлиқ. Бугун эса менда бабочка галстук бор, жуда нафис ва бу менга ёқяпти. Ўзимни ноқулай ҳис қиладиган нарсани ҳеч қачон киймайман.

Энг стиль, энг зўр футболчи — бу менман (кулади). Менинг чемоданимда доим наушниклар, лаб бальзами, саёҳат учун қулай кийим ва атир бўлади. Шу тўртта нарса билан қаерга бўлмасин йўлга чиқишга тайёрман", — деди ёш юлдуз "Sky Sports"га берган интервьюсида.