Xosep Gvardiola: Startni g‘alaba bilan boshlash yoqimli

«Manchester Siti» klubi bosh murabbiyi Xosep Gvardiola EChL ilk turida «Shaxtyor»ni (3:0) mag‘lub etganidan so‘ng o‘z fikrlarini bildirib o‘tdi. Bu haqda BBC nashri xabar berdi. 

- Biz EChLda kecha va bugun natijalarni ko‘rdik. Bu turnir qanchalik qiyinligini bilamiz. Yaxshi himoyalandik va vaziyatlar yaratdik. Startni muvaffaqiyatli boshlash yaxshi. Jamoa yutganida murabbiy to‘g‘ri qaror qabul qilgan, aksi bo‘lsa murabbiy noto‘g‘ri qaror chiqargan bo‘ladi.

Biz 8 oyda bitta o‘yinda yutqazdik, shuning uchun futbolchilardan ko‘nglim to‘q. Mashg‘ulotlarni yaxshi kayfiyatda olib bormoqdamiz. Keyingi o‘yinga tayyormiz, - dedi Gvardiola.