Хайр Винисиус, хайр Васкес!

“Реал” учун жорий мавсум муваффақиятсиз якунланмоқда. Мадридликлар Ла Лигада ҳам, Чемпионлар лигасида ҳам чемпионлик унвонини сақлаб қола олмади.

Ла Лиганинг 35-турида “Барселона”га қарши ўйин “Реал” учун ҳар томонлама оғир келд. Биринчидан, жамоа ҳисобда икки гол билан олдинда борганига қарамай, тўғридан тўғри рақибига ютқазиб қўйди.

Иккинчидан, бу мағлубиятдан кейин “Барселона”нинг чемпионликни “Реал”дан тортиб олиши аниқлашиб қолди.

Учинчидан, “Қироллик клуби”нинг икки етакчи ўйинчиси бу баҳсда шикастланди. Энди маълум бўлишича, ҳужумчи Винисиус Жуниор ва тажрибали Лукас Васкес мавсумнинг қолган қисмини жароҳат туфайли ўтказиб юборадиган бўлди.

“Реал” чемпионатнинг икки ўйинида бу футболчилар билан хайрлашишга мажбур.

Энди Винисиус Жуниор 15 июнда бошланадиган клублар ўртасидаги жаҳон чемпионатига қадар оёққа туришга ҳаракат қилади. Лукас Васкес эса, ўзига бошқа жамоа топиши керак. Чунки унинг шартномаси 30 июнь куни тугайди ва клуб янги битим таклиф қилмоқчи эмас.