VXL. "Humo" "Zvezda"ning g‘alabali seriyasini to‘xtata oladimi?

Toshkentning "Humo" jamoasi o‘z maydonida Moskvaning "Zvezda" klubini qabul qiladi. Uchrashuv soat 19:30 da start oladi. Qayd etish joiz, "Zvezda" qatorasiga 10 ta bahsdan buyon mag‘lubiyat nimaligini bilmay kelmoqda.

Eslatib o‘tamiz, Moskvada kechgan dastlabki bellashuvda mezbonlar 7:2 hisobidagi yirik g‘alabani qo‘lga kiritishgan va "Humo" xokkeychilari bugun revansh uchun muzga chiqishadi.

Ma’lumot uchun, toshkentliklar hisobida ayni vaqtda 34 ochko mavjud va ular turnir jadvalining 7-o‘rinidan joy olishgan. 51 ochkosi bor moskvaliklar esa 3-pog‘onani egallab turishibdi.