Виктор Фонт: "Мессини ортга қайтармаган бўлардим"

"Барселона" президентлиги учун курашаётган Виктор Фонт Месси масаласида ваъда берди.

"Мессининг қайтиши "Барселона" мухлиси сифатида мени чўчитади. Кўриниб турибдики, ҳамма нарса унга боғлиқ. Мен уни жамоага қайтармаган бўлардим. Менимча, Лапорта бир неча марта шундай қилган ва бу хато қарор эди. Мен Мессидан фойдаланмоқчи эмасман. Лекин сайловда ғалаба қозонганимдан кейин унга қўнғироқ қиламан. Бу менинг биринчи қўнғироғим бўлади. Бизнинг вазифамиз клуб келажагига ҳисса қўша оладиганларни бир жамоага йиғиш", - деди Фонт.

Эслатиб ўтамиз, Лионель Месси 2021 йилда "Барселона"ни тарк этган эди. Каталонияликлар молиявий муаммолар сабаб аргентиналик футболчи билан шартномани узайтира олмаган эди.