Вьетнам устози: "Рақибнинг қарорларини муҳокама қилмайман"

Хабарингиз бор, айни вақтда юртимизда 23 ёшгача бўлганлар ўртасида Осиё кубоги турнири давом этмоқда. 1-турдан ўрин олган Таиланд - Вьетнам баҳси бўлиб ўтди ва унда 2:2 ҳисоби қайд этилди. Беллашувдан сўнг ҳар иккала жамоа мураббийлари матбуот анжуманида иштирок этди. Қуйида Вьетнам устози Гонг Кюн ўз фикрлари билан танишиб чиқишингиз мумкин. 

- Бугунги ўйинда футболчиларим борини бериб ҳаракат қилишди. Ушбу баҳс бошқа учрашувлардан фарқ қилади. Бу бошқача учрашув бўлди. 

- Таиланд биринчи бўлимда ўз режасини ўзгартиришга ҳаракат қилди. Бу алмаштиришлар уларнинг қарори, мен эса фақат ўз жамоамга жавобгарман. 

- Йўқотишлар жамоанинг ўйинига таъсир қилгани бор гап. Шундай бўлса-да, бор футболчилар билан қўлдан келганча ҳаракат қилдик ва уларнинг ўйинидан кўнглим тўлди. 

- Дарвозабоннинг хатосини билинтирмасликка ҳаракат қилдик ва иккинчи бўлимда анча ишончли ўйин кўрсатдик. 

- Кейинги баҳс Жанубий Кореяга қарши бўлиб ўтади. Корейслар жуда кучли ва ушбу беллашувга жиддий тайёргарлик кўрамиз. Ўйлайманки, шогирдларим бу баҳсда ҳам яхши натижа кўрсата олади.