Varan: Har uch kunda g‘alaba qozonishimiz kerak

Rafael Varan "Manchester Yunayted"ning "Manchester Siti" bilan raqobat qilishga tayyorligi haqida gapirdi.

"Ishonish kerak. Ba’zida yaxshi va top jamoa o‘rtasidagi farq psixologik bo‘ladi.

Yangi mavsum boshlandi. Shuning uchun hamma narsa bo‘lishi mumkin. “Manchester Siti”ga etib olish katta qiyinchilik, ammo biz bunga tayyormiz.

Premer-ligada g‘alaba qozonish juda qiyin. Turnir har mavsum yaxshilanib bormoqda. Har bir jamoa kuchli, saviya juda yuqori, shuning uchun siz tayyor bo‘lishingiz kerak.

O‘ylaymanki, o‘tgan mavsumda biz dunyoning istalgan jamoasini mag‘lub eta olishimizni ko‘rsatdik. O‘sha mavsum natijalariga qaraydigan bo‘lsak, bizga ko‘proq barqarorlik kerak.

Biz har qanday raqibni mag‘lub eta olamiz, lekin bu oson emas. Sababi, har uch kunda g‘alaba qozonish kerak”, - dedi “Manchester Yunayted” himoyachisi Rafael Varan.