Vadim Abramov: "Xislatni himoyada kam mehnat qilishi salbiy xislati"

Superligada 21-tur start oldi. "Dinamo" jamoasi Toshkentda "Paxtakor" mehmoni bo‘ldi va 2:4 hisobida imkoniyatni boy berdi. Bellashuvdan so‘ng jamoa bosh murabbiyi Vadim Abramov matbuot anjumanida ishtirok etdi.

- Bu bizni eng yaxshi o‘ynimiz emas. Bilmadim, ofsaydda turgan futbolchiga ishlatilgan qo‘pollik uchun penalti qo‘yib berishdi. VAR vaziyatni boshqacha ko‘rgandir. 2:2 hisob bo‘lgan paytda yana g‘alati penalti. Hisob esa yakunda 4:2 ko‘rinishga keldi. Hakam VAR uchun va qarorini izohlash uchun ko‘p to‘xtaldi. Balki, bu muxlislarga qiziqdir, ammo bizga emas.

- "Dinamo"ning o‘yinga rejasi qanday edi?

- Biz "Paxtakor"ni qanday o‘yin namoyish etishini bilar edik. Raqibni OChLdagi ishtirokidan so‘ng, charchaganini hisobga olib ikkinchi taymda qo‘shmoqchi edik. Ko‘rdingiz, qanday gollar o‘tkazib yubordik.

- Himoyachilaringizni o‘yini borasida fikringiz qanday?

- Albatta, bu seziladi. Himoyachilarimiz birinchi pasni berishda qiynalgani uchun yarim himoyachilarimiz to‘psiz ko‘p harakat qilishga majbur bo‘ldi. Bular ta’sir qiladi. 

- Xislat Xalilov nega asosiyda tushmaydi?

- Bu rejamizning bir turi. Futbolchi zaxiradan maydonga tushib o‘yinga yaxshi qo‘shilishi mumkin. Hamma futbolchi ham buni uddalay olmaydi. Shuningdek, uni himoyada kam mehnat qilishi ham salbiy xislati. 

- Kojoning yo‘qligi sezildimi?

- Umuman olganda jamoa ko‘rsatishi kerak bo‘lgan futbolni namoyish etmadi. U bo‘lganida balki hujumlarimiz keskinroq bo‘larmidi?! Hozir biror narsa deyish qiyin. 

- So‘nggi uch o‘yinda darvozangizga 3 ta penalti qo‘yildi?

- Aytyapmanku, bizni darvozaga belgilashyapti, ammo biz hech tepmadik. Keyin videolarini ko‘rib, futbolni tushunmay qolaman. Bizni foydamizga hakamlar hech narsa ko‘rmay qolishyapti. Tushunarsiz.