Tuxel Obameyangning asosiy ishi nima ekanini uqtirdi

“Chelsi” bosh murabbiyi Tomas Tuxel “Barselona”dan transfer qilingan Per-Emerik Obameyang haqidagi fikrlari bilan o‘rtoqlashdi.

Germaniyalik mutaxassis gabonlik futbolchiga Dortmundning “Borussiya”sida ham ustozlik qilgan va uning imkoniyatlarini juda yaxshi biladi.

- Obameyang bizga nima berishini juda yaxshi bilamiz. U Angliya premer-ligasiga qaytganidan baxtiyor. U jamoamizga gollar, sifatli o‘yin, tezlik va shu kabi ko‘plab sifatlarni berishi kerak, - dedi Tomas Tuxel.

Obameyang faoliyati davomida klublar miqyosida 607 ta uchrashuvda maydonga tushib, raqiblar darvozasini 310 marotaba ishg‘ol qilgan va jamoadoshlariga 92 ta golli pas uzatgan.