Трентнинг қанча муддатга сафдан чиққанлиги маълум

"Реал Мадрид" Чемпионлар лигасининг 1-турида "Марсель" (2:1) жамоасига қарши баҳс олиб борди. Ўйиннинг 5-дақиқасида қироллик клуби аъзоси Трент Александр-Арнольд жароҳат олиб, майдонни тарк этди.

Клубнинг расмий маълумотига кўра, Трент чап оёғининг сон орқа мушагидан жароҳат олган. Натижада футболчи 6–8 ҳафтага сафдан чиқди.

Маълумот учун, ҳимоячи мадридликлар сафида Ла Лига доирасидаги 4 та ўйинда майдонга тушиб, ўз ҳисобига гол ёки ассист қайд этмади.