"Tottenxem" yozgi transferlar davridagi yirik xaridlardan birini amalga oshirishga yaqin turibdi

Frantsiyaning “Lion” klubi himoyachisi Tangi Ndombele “Tottenxem”ga o‘tishga yaqin turibdi.

The Guardian nashri tarqatgan xabarga ko‘ra “shporlar” 22 yoshli futbolchi uchun lionliklarga bonuslardan tashqari 62 million evro taklif qilishmoqda. “Lion” ham ushbu taklifga rozi bo‘lishi kutilmoqda.

Ndombele tez orada Londonda tibbiy ko‘rikdan o‘tadi va yangi jamoasi bilan 2024 yilga qadar shartnoma imzolaydi.

Ma’lumot uchun, Ndombele o‘tgan mavsum Frantsiya chempionatida jami 34ta o‘yinda maydonga tushdi va 1ta gol hamda 7ta golli uzatmaga mualliflik qilishga erishdi.