"Tottenxem" Lukas Moura bilan shartnomani uzaytirdi

Londonning "Tottenxem" klubi o‘zining hujumkor yarim himoyachisi Lukas Moura bilan shartnomani uzaytirdi. Bu haqda klub rasmiy sayti xabar tarqatmoqda.

Yuqoridagi manbaaga ko‘ra 26 yoshli braziliyalik futbolchi “shporlar” bilan 2024 yilga qadar shartnoma imzoladi. Uning transfer narxi esa 40 mln evroga baholanmoqda.

Ma’lumot uchun, Moura “Tottenxem” safiga 2018 yilning yanvarida PSJdan ko‘chib o‘tgan edi. O‘tgan davr mobaynida jami 60ta o‘yinda maydonga tushdi va 16ta gol hamda 6ta golli uzatma yozdirib qo‘yishga erishdi.