Сув полоси. Қизларимиз 11-ўрин учун қозоғистонлик тенгқурлари билан куч синашади

Сербиянинг Белград шаҳрида сув полоси бўйича ёшлар ўртасида ўтказилаётган Жаҳон чемпионати поёнига етиб бормоқда.

Гуруҳ баҳслари якунига етгач, чорак финал ҳамда 9-16-ўринлар учун баҳслар бошланди. Ушбу босқичда Ўзбекистон аёллар терма жамоаси 9-12-ўринлар учун курашни давом эттирадиган бўлди.

Дастлабки ўйинда Хорватия аёллар терма жамоасига қарши майдонга тушган Акбар Содиқов шогирдлари якунда 5:22 ҳисобида имкониятни бой беришди. 9-12-ўринлар учун бўлиб ўтган иккинчи ўйинда эса канадалик уотерполчилар Қозоғистон термаси устидан 14:7 ҳисобида зафар қучишди.

Шу тариқа, 7 август куни ўтказиладиган ўйинларда Ўзбекистон ва Қозоғистон терма жамоалари 11-12 ўринлар, Канада ва Хорватия терма жамоалари эса 9-10 ўринлар учун ўзаро куч синашади.

7 август

11-12-ўрин

Ўзбекистон – Қозоғистон

9-10-ўрин

Хорватия – Канада.

Ўзбекистон сузиш федерацияси матбуот хизмати