Superligada "Metallurg"ning o‘rnida qaysi jamoa ishtirok etishi oydinlashib bormoqda

"Metallurg" klubi Superligada ishtirok etmasligi ma’lum bo‘lganidan so‘ng mamlakat birinchiligida ishtirok etish uchun bir qator jamoalar varianti ko‘rib chiqilayotgandi. 

Shuningdek, moliyaviy holati hali ochiqlanmagan Toshkentning "Olimpik" klubiga ham qaror qabul qilish uchun 5 yanvarga qadar muhlat berilgandi. 

Bizga ma’lum bo‘lishicha, kelasi mavsumdan e’tibor "Xorazm" klubi katta ehtimol bilan Superligada ishtirok etadi. Chempionat darajasiga mos kelish uchun futbolchilar bilan muzokaralar boshlangan. 

Ta’kidlash kerak, o‘tgan mavsum "Xorazm" klubi Pro ligada 29 ochko bilan 6-o‘rinni qo‘lga kiritgandi.