Superliga. "So‘g‘diyona" safardagi o‘yinlarda "Surxon" uchun noqulay raqib yoxud "bo‘rilar" va "uchar tulporlar" dueli oldidan statistika! (foto)

Xabaringiz bor 23 iyun kuni "So‘g‘diyona" jamoasi Toshkentdagi Paxtakor stadionida "Surxon" mehmoni bo‘ladi. So‘g‘diyona matbuot xizmati ushbu jamoalar o‘rtasidagi o‘zaro uchrashuvlar tarixidan ma’lumot berdi.

"Surxon" - "So‘g‘diyona" jamoalari shu bugungacha O‘zbekiston chempionatlarida 30 marotaba ro‘baro kelgan. Statistikaga e’tibor beradigan bo‘lsak, o‘zaro o‘yinlarda "bo‘rilar" ustunlik qilmoqda.

30 uchrashuvdan 15 tasida jizzaxliklarning qo‘li baland kelgan, 3 ta baxsda kuchlar teng kelgan bo‘lsa, qolgan 12 uchrashuvda "Surxon" g‘alaba qozongan. To‘plar nisbati bo‘yicha "So‘g‘diyona" ustun: 54-41. Jizzax klubining eng yirik g‘alabasi 1992 yili 10-0 hisobida yakunlangan. "Surxon" jamoasining eng yirik g‘alabasi 7-1 hisobi bilan yakunlangan.

Jamoalarning Surxon maydonida o‘tgan so‘nggi 4 uchrashuvi:

Surxon - So‘g‘diyona 2-4 18.05.2022.
Surxon - So‘g‘diyona 0-1 11.09.2021.
Surxon - So‘g‘diyona 1-2 03.12.2020.
Surxon - So‘g‘diyona 1-0 24.11.2019.

So‘g‘diyona matbuot xizmati.