Superliga. OKMK so‘nggi marta "Nasaf"ni qachon mag‘lub qilgan?

Superliganing 6-turida "Nasaf" OKMK mehmoni bo‘lib, 3:4 hisobida g‘alaba qozondi. Mazkur bahsdan keyin qarshiliklar turnir jadvalida 2-o‘ringa chiqib olgan bo‘lsa, "konchilar" 6-pog‘onada borishmoqda. 

Shu tariqa, "Nasaf"ning OKMKga qarshi mag‘lubiyatsiz seriyasi davom etadigan bo‘ldi. Olmalik klubi Ro‘ziqul Berdiev shogirdlarini Superliga doirasida so‘nggi 8 uchrashuvdan beri yuta olmayapti. 

Oxirgi marta 2020 yilgi mavsumning 7-turida Mirjalol Qosimov jamoasi 2:1 hisobi bilan zafar quchgan. O‘sha bahsda Sanjar Tursunov hisobni ochgan bo‘lsa, Marko Stanoevich imkonityalarni tenglashtirib qo‘ygan. Erkin Baydullaev esa g‘alaba golini urib ketgandi.