Суперлига. ОКМК "Пахтакор"га қарши 34 ўйиннинг атиги 5 тасида ғалаба қозонган (превью)

Ўзбекистон Суперлигасининг 20-тури доирасида ОКМК меҳмонда "Пахтакор" жамоасига қарши майдонга чиқади. Мазкур баҳс олдидан ОКМК матбуот хизмати превьюни тақдим этди. 

Айни пайтда жамоалар турнир жадвалида биринчи ва бешинчи поғоналарни банд этиб турибди. "Шерлар" мусобақада ўтказилган барча 19 учрашувдан сўнг 42 очко жамғарган бўлса, "кончилар" 19 ўйинда 29 очко тўплаган.

Жамоаларнинг ўзаро учрашувлари тарихига назар солсак, барча мусобақалардаги ўтказилган ўйинларда катта устунлик "шерлар" тарафида. 34 ўйиндан 5 тасида ОКМК ғалаба қайд этган, "Пахтакор"да эса 25 ғалаба мавжуд ва қолган 4 беллашувда дуранг қайд этилган.