"Сўғдиёна" ўртоқлик ўйинида Латвия клубига мағлуб бўлди

БААда ўқув-машғулот йиғинларини олиб бораётган "Сўғдиёна" ўртоқлик ўйинида "Рига"га қарши баҳс олиб борди.

Беллашув 0:1 ҳисобида Латвия клубининг ғалабаси билдан якунланди.

Учрашув давомида мураббий Иван Бошкович янги келган футболчилар ҳамда ёш иқтидорларни синовдан ўтказди. Ўйиннинг ҳар бир дақиқаси жиддий курашларга бой бўлди. Аммо, 86-дақиқада "Рига" футболчиси Журковскис Раивис томонидан киритилган ягона гол учрашув тақдирини ҳал қилди.

Маълумот учун, биринчи халқаро ўртоқлик баҳсида "Сўғдиёна" Россиянинг "Ростов" жамоасига маўлуб бўлган эди.