Симеоне "Лас-Пальмас"дан учралган мағлубият ҳақида гапирди

"Атлетико" бош мураббийи Диего Симеоне Ла Лиганинг 32-турида "Лас-Пальмас"га қарши ўйиндаги (0:1) мағлубиятдан сўнг ўз фикрларини билдирди.

— Чемпионликка умид ҳам сўндими?

— Агар чемпионликка ҳақиқий имкониятимиз бўлганида, идеал натижалар кўрсатишимиз керак эди. Бугун биз бундай ўйин кўрсата олмадик.

Биринчи бўлим ёмон эмасди. Дарвозабон бизга ҳисобни очишга йўл қўймади. Контратака ва бўш ҳудудларни назорат қилдик. Лекин иккинчи бўлим пассив бошланди, режаларимизни амалга ошира олмадик. Ўтказиб юборилган гол иккинчи бўлимдаги ўйинимизнинг кўзгуси бўлди.

— Интенсивлик паст эди…

— Биз бу ерда 14 йилдан бери ишлаяпмиз. Яратган нарсаларимизни асрашни истаймиз. Биз ўз услубимизга мос футболчиларни излашда давом этамиз.

— Иккинчи бўлимдаги муваффақиятсиз ўйинни қандай изоҳлайсиз?

— Жамоанинг кайфияти ёмон эмас эди, лекин ўйинимиз иш бермади. Мен ўзгаришлар қилдим, лекин натижа бермади. Бугунги кунда алмаштиришлар самара бермади. Гап руҳий ҳолатда эмас, биз шунчаки ёмон ўйнадик.

— Сўнгги ўйинларда ҳимоя ишончли эмасдек…

— Мавсум охирида биз аввалгига нисбатан кўпроқ қийналмоқдамиз. Бу босқич жуда муҳим. Бизга керакли нарсани тушунадиган футболчилар керак, - дея таъриф бериб ўтди аргентиналик мутахассис.