Shomurodovga raqobatchi kelmoqda

"Renn" forvardi Mbaye Nyang "Jenoa"ga qaytishga yaqin turibdi.

Ikkala klub ayni damda futbolchining ijara shartnomasi bo‘yicha muzokaralarni davom ettirishmoqda. Ta’kidlanishicha, 26 yoshli futbolchi genuyaliklar safida ijara asosida to‘p suradi. Kelishuvga senegallik hujumchini 10 million evroga sotib olish imkoniyati bo‘yicha band kiritiladi.

Nyang "Jenoa" safida 2014/15 mavsumda to‘p surgan. Joriy mavsumda hujumchi Frantsiya chempionatida 9 ta o‘yinda bitta golni o‘z hisobiga yozib qo‘ydi.