Shomurodovdan gol o‘tkazgan darvozabon jamoadan ketdi

“Latsio” darvozaboni Pepe Reyna jamoa bilan 2023 yilga qadar davom etishi kerak bo‘lgan shartnomani bekor qildi.

Tajribali posbon faoliyatini o‘z yurti Ispaniyada davom ettirishni ma’qul ko‘rmoqda. Reyna o‘tgan mavsumda asosiy tarkibdagi joyini yo‘qotdi. U mavsum davomida barcha turnirlarda 17 marotaba maydonga tushib, 33 ta gol o‘tkazib yuborgandi.

Bu darvozabon o‘z vaqtida Eldor Shomurodovga qarshi o‘ynagan. Legionerimiz “Jenoa”da to‘p tepgan davrda “Latsio”ga qarshi bahsda Reynani o‘z darvozasidan to‘p olib chiqishga majbur qilgandi.

Reyna faoliyati davomida “Aston Villa”, “Milan”, “Napoli”, “Bavariya”, “Liverpul”, “Vilyarreal” va “Barselona sharafini ham himoya qilib, turli jamoalar bilan bir necha sovrinlarga ega chiqqan.