Sardor "Milan"ni qiziqtirmaydi

Sankt-Peterburgning “Zenit” klubi forvardi Sardor Azmun “Milan”ning qiziqishlariga kirmaydi. Bu haqda Metaratings.ru sayti xabar tarqatmoqda.

Manbaning ta’kidlashicha, 25 yoshli eronlik futbolchiga “rossonerilar” tomonidan qiziqish bo‘layotgani vaziyat bilan yaqindan tanish bo‘lgan agentlar tomonidan o‘z tasdig‘ini topmadi.

“Zenit” Azmunni bundan bir yil muqaddam 12 mln evro evaziga “Rubin”dan sotib olgan edi. U joriy mavsum RPLda jami 21 ta o‘yinda maydonga tushdi va 10 ta gol hamda 6 ta golli uzatmaga mualliflik qildi.