Самвел Бабаян истеъфога чиқариладими?
SPORTS.uz сайти журналисти Яҳёхўжа Улуғхўжаев ўз телеграм саҳифасида Самвел Бабаян билан боғлиқ вазиятга ойдинлик киритган. “Пахтакор”дан учралган аламли мағлубиятдан сўнг, мухлислар кайфияти кескин ёмонлашганидан хабарингиз бор. Хабарда маълум қилинишича, Наманган клуби воқеалар ривжони совуққонлик билан кузатишга қарор қилган:
“Самвел Бабаян истеъфоси мумкинлиги борасидаги фикрлар янграмоқда. Аслида, Наманган клубида мураббийни истеъфога чиқариб юбориш учун “Пахтакор” билан ўйиндан кейин барча асос бор. Биздаги маълумотларга қараганда, раҳбарият Самвел Бабаянга ишонишда давом этмоқчи.
Ишонч кредитини тақдим этилишининг асосий сабаби – “лочинлар”ни кутиб турган “Ал Вакра”а қарши ОЧЛ саралаш ўйини бўлиб турибди. Агар, “Навбаҳор” Қатарнинг тўртинчи жамоасидан ўта олмаса, вазият кескинлашиши аниқ.
Қисқаси, “Навбаҳор” “кечувда отлар алмаштирилмайди” қабилида иш кўрмоқчи. Ҳозирча, албатта.”
Эслатиб ўтамиз, “Навбаҳор” жамоаси 16 ўйинда 33 очко жамғаришга муваффақ бўлди.
Фикрлар