"Sampdoriya" bosh murabbiyi "Barselona"ni boshqarmoqchi

Italiyaning "Sampdoriya" klubi bosh murabbiyi Marko Jampaolo faoliyatidagi eng asosiy maqsadi nima ekanligini aytdi.

“Bir kun kelib “Barselona”ni boshqarishni xohlayman. Men faoliyatim davomida juda ko‘p narsalarni ko‘rishga ulgurdim. Endi men to‘g‘ri kelgan narsaning ortidan yuguravermayman”, - deydi italiyalik mutaxassis.

Eslatib o‘tamiz, Jampaolo “Sampdoriya”ni 2016 yildan buyon boshqarib kelmoqda. Uning jamoasi ayni damda A Seriyada 9-o‘rinda bormoqda.