Ro‘ziqul Berdiev: "Menimcha, birinchi bo‘limdagi hisob bizni bo‘shashtirib yubordi"

O‘zbekiston Kubogi doirasida bo‘lib o‘tgan OKMK – “Nasaf” (3:2) o‘rtasidagi bellashuvdan keyin tashkil qilingan matbuot anjumanida dastlab mehmonlar bosh murabbiyi Ro‘ziqul Berdiev qatnashdi.

“Haqiqiy Kubok uchrashuvi bo‘ldi. Menimcha, birinchi bo‘limdagi hisob bizni bo‘shashtirib yubordi. Bu haqida yigitlarga uqtirgandik. OKMK jamoasini bilamiz, oxirigacha kurashadi. OKMK yana bir bor o‘z xarakterini ko‘rsatdi. Menimcha, ikkinchi bo‘limdagi o‘yini bilan uchrashuvni tubdan o‘zgartirdi va g‘alabani ilib ketdi. Ularni g‘alaba bilan muborakbod etamiz”.