Роналдунинг режаси ўзгаришсиз қолган

"Манчестер Юнайтед" ҳужумчиси Криштиану Роналдунинг режалари ўзгармади. Португалиялик ҳали ҳам жамоани тарк этиб, кейинги мавсумда Чемпионлар лигасида иштирок этадиган клубга ўтишни истамоқда.

Футболчи Каррингтондаги машғулот базасига келганига қарамай, унинг келажакка бўлган истаги ўзгаришсиз қолмоқда. Бугун португалиялик Эрик тен Хаг билан суҳбат олиб бориши керак. Футболчи бир бугун жамоа машғулот базасига агенти билан келди ва катта эҳтимол билан Роналду мураббийга кетиш истагини айтади.

Роналду ўтган ёзда Туриннинг "Ювентус" клубидан "Манчестер Юнайтед"га қайтган эди. Португалиялик футболчи АПЛда 18 та гол уришни уддалади, аммо бу манкунианларга ҳатта 4-ўринни эгаллашига ҳам ёрдам бера олмади.