Роналдунинг ўғли терма жамоага соврин олиб берди
Жаҳон футболида энг кўп гол урган футболчи Криштиану Роналдунинг ўғли ҳам халқаро майдонда ўз номини танита бошлади.
Хорватияда ташкил этилган халқаро турнирда қатнашиш учун Португалия U-15 терма жамоасига жалб этилган кичик Роналду илк голларини урди.
14 ёшли иқтидорли футболчи халқаро турнир финалида мезбонлар – Хорватия терма жамоаси дарвозасига иккита тўп киритиб, португалияликларнинг 3:2 ҳисобидаги ғалабасини таъминлади.
Таъкидлаш жоизки, кичик Роналдунинг халқаро турнирдаги иштироки Европанинг йигирмага яқин клублари эътиборини тортди. Бу клублар ўз скаутларини Хорватияга жўнатиб, ёш ўйинчининг ҳаракатларини синчковлик билан кузатишни топширган.
Фикрлар