Роналду ёки Неймардек яшамайман!

“Ливерпуль” ҳужумчиси Садио Мане замонавий футболчиларнинг ҳашаматли ҳаёт тарзи ҳақида ўз фикр-мулоҳазаларини билдирди.

- Ўзимни жуда ҳам танқидчи киши қилиб кўрсатмоқчи эмасман, лекин мени футболдаги айрим қадриятлар жиғимга тегади. Мени бошқача тарбия қилишган. Шунинг учун кўп нарсадан узоқ юришни афзал биламан, - деди.

Садио Мане ҳамкасблари Криштиану Роналду ва Неймарнинг ижтимоий тармоқларини мунтазам кузатиб боришини, лекин уларнинг ҳаёт тарзи унга тўғри келмаслигини таъкидлади.

Сенегаллик ҳужумчи жорий мавсумда Англия премьер-лигасида 5 та учрашувда қатнашиб, рақиблар дарвозасини 12 маротаба ишғол қилди. Терма жамоаси билан Африка Миллатлари кубоги мусобақада бош совринни қўлга киритиб, чемпионатнинг энг яхши ўйинчиси, деб эътироф этилди.