Роналду Ямал ҳақида қаттиқ гапирди

Германия мезбонлик қилган Португалия ва Испания терма жамоалари ўртасидаги Миллатлар лигаси финалида жаҳон футболининг икки ёрқин вакили – Криштиану Роналду ва Ламин Ямал ўзаро тўқнашди.

Бу гал бош соврин португалияликларга насиб қилди.

Бу учрашувда бир нечта рекордларни янгилаган Криштиану Роналду беллашувдан кейин  испанияликлар етакчиси Ламин Ямал ҳақида гапирди.  

- Ямал ҳали жуда кўп ютуқларни қўлга киритади, булар ҳам жамоавий, ҳам индивидуал совринлар бўлади. У ҳали 17 ёшда ва ҳаммаси олдинда.

Яна бир бор такрорлайман, Ламин ўсиш учун жуда катта салоҳиятга эга.  У феномен, лекин бу ўйинчини ўз ҳолига қўйиш керак. Мен доим шуни сўраб келаман.

Олдинда уни ҳали узоқ фаолият кутиб турибди, балки ҳали Миллатлар лигасида бир неча маротаба ғолиб ҳам чиқар, - деди Криштиану Роналду.

Таъкидлаш лозимки, Испания ўзи иштирок этган Миллатлар лигасининг учта финалидан иккитасида имкониятни бой берган. Португалия эса, учинчи уринишдан иккитасида бош совринни ўзиники қилди.