Роналду тақдирга тан берди

"Манчестер Юнайтед" ҳужумчиси Криштиану Роналду жамоа бош мураббийи Эрик тен Хаг билан ишлашдан норози, деб хабар бермоқда CBS.

Бироқ, 37 ёшли португалиялик МЮда қолишга тайёр, чунки у айни дамда “Юнайтед”ни тарк этиб, бошқа жамоага ўтиш имконияти камлигини тушунади.

Ҳозирда Криштиану бор эътиборини Қатардаги жаҳон чемпионатига пухта тайёргарлик кўришга қаратган. Шу муносабат билан у МЮ билан шартномани бекор қилишни режалаштирмаяпти.

Роналду 2021 йилнинг августида “Манчестер Юнайтед”га қайтди. Ўтган мавсум португалиялик барча турнирлар доирасидаги 39 та ўйинда майдонга тушиб, ўз ҳисобига 24 та гол ва 3 та голли узатмани амалга оширди.

Аввалроқ, 37 ёшли ҳужумчи жамоани тарк этиб, Чемпионлар лигасида иштирок этадиган клубда ўйнашни хоҳлаётгани ҳақида хабар берилганди.