Роналду "Сити"га қарши ўйин пайтида Англияда бўлмаган

"Манчестер Юнайтед" футболчиси Криштиану Роналду кеча "Манчестер Сити"га қарши дербида иштирок эта олмади. Унда жароҳат борлиги маълум қилинганди.

"The Athletic" нашрининг хабар беришича, Роналду ўйин пайти Англияда бўлмаган. У жароҳати сабаб эртароқ Португалияга жўнаб кетгани айтилмоқда. 

У сон қисмини шикастлаб олгани учун юртига жўнаб кетишни афзал кўрган. Футболчи ЖЧ саралашига тайёр бўлишни истаяпти. 

Криштианунинг бу қарори "қизил иблислар" сафидаги футболчиларга маъқул келмаган. Улар кийиниш хонасида бундан очиқчасига норозилигини билдиришган.