Роналду шундай кетолмайди!

“Манчестер Юнайтед” бош мураббийи Эрик тен Хаг португалиялик ҳужумчи Криштиану Роналдунинг сотиб юборилишини тўхтатиб турибди.

Нидерландиялик мутахассис жамоа машғулотларида қатнашмаётган юлдуз билан учрашиб, унинг келажаги ҳақида юзма-юз гаплашиб олмоқчи.

Бош мураббий Роналду ва унинг агенти Жорже Мендеш билан биринчи учрашув муваффақиятли бўлганини инобатга олиб, томонлар яна бир бор кўришса, машҳур тўпурарни жамоада қолишга кўндира олишига ишонмоқда.  

Роналду ўтган мавсумда 38 та учрашувда 24 та гол уриб, манчестерликларнинг энг яхши тўпурари бўлди.