Роналду масаласи ҳал бўлди!

“Манчестер Юнайтед” бош мураббий Эрик тен Хаг португалиялик ҳужумчи Криштиану Роналду келаси мавсум жамоада қолишини таъкидлади.

Нидерландиялик мутахассис ESPN нашрига берган интервьюсида Роналду бошқа клубларга сотилмаслигини, ўзи жамоага келишидан олдин португалиялик ҳужумчи бўйича режа тузганини ва бу масала бўйича ўз фикрида собит турганини эътироф этди.

Бундан ташқари, Эрик тен Хаг Роналду келаси мавсум охирида тугайдиган шартномасини янгилаб, кейинчалик ҳам жамоада қолиши мумкинлигини алоҳида таъкидлади.

Аввалроқ, Роналду бошқа жамоага ўтмоқчи экани, унга “Барселона”, “Рома”, ПСЖ, “Бавария”, “Челси” каби клублар қизиқиш билдираётгани ҳақида хабарлар тарқатилган эди.