Роналду “Манчестер Юнайтед”га якуний қарорини айтди

“Манчестер Юнайтед” ҳужумчиси Криштиану Роналду клуб раҳбариятини амалдаги шартномани бекор қилмоқчи эканидан огоҳлантирди, деб маълумот тарқатди Daily Mail нашри.

Манбанинг таъкидлашича, португалиялик тўпурар ёзги трансферлар ойнаси ёпилгунича ўзига Чемпионлар лигасида қатнашадиган жамоа топишга қарор қилган.

Ўз навбатида, манчестерликлар Роналдуни қўйиб юборишга тайёр эмаслиги айтилмоқда. Янги бош мураббий Эрик тен Хаг ҳам 37 ёшли ҳужумчини жамоада қолишга кўндиришга уриняпти.

Роналдунинг клуб билан амалдаги шартномаси 2023 йилнинг ёзигача тузилган. Криштиану жамоанинг ўқув-машғулот йиғинида қатнашмади.