Роналду Контенинг "Ювентус"га қайтишига қарши

Туриннинг "Ювентус" клуби форварди Криштиану Роналду жамоа бошқарувига Антонио Конте келишига қарши. Бу ҳақда La Repubblica нашри хабар бермоқда.

Юқоридаги манбаага кўра жамоа раҳбарияти ундан мавсум якунида ўз лавозимини тарк этадиган Массимилиано Аллегри ўрнига айнан Контени олиб келиш борасидаги фикрини сўраганда, португалиялик юлдуз бошини чайқаганча рад жавобини берган.

Маълумот учун, 49 ёшли Конте ўтган йилнинг ёзида “Челси”дан истеъфога чиқарилган ишсиз юрибди. Унга “Интер” ва “Рома” каби жамоалардан ҳам қизиқишлар бўлаётгани ҳақида хабарлар бор.