Роналду жаҳон чемпионатида ғалаба қозониш ниятида эканлигини билдирди

Португалия терма жамоаси аъзоси Криштиану Роналду миллий жамоанинг яқинлашиб келаётган ўйинлари ҳамда жаҳон чемпионатида ғалаба қозонишни хоҳлаётгани ҳақида фикр билдирди.

"Ҳозирги вақт ҳақида ўйлаш керак. Ўйиндан ўйинга яхшиланиб бориш лозим. Албатта, асосий мақсад — жаҳон чемпионатига чиқиш ва ғалаба қозониш. Аммо бу натижага босқичма-босқич етиб бориш керак. Ҳозир бизга иккита уй ўйини кутяпти. Роберто Мартинес айтганидек, ҳар бир лаҳзадан завқ олиш муҳим. Ўз майдонимизда, мухлисларимиз билан бирга ўйнаганда биз янада кучли бўламиз. Португалия учун ўйнаш мен учун шараф. Мен доимо мухлисларимизнинг қўллаб-қувватлашини ҳис қиламан, ҳатто ишлар у қадар яхши кетмаётган пайтларда ҳам. Ишончим комилки, биз навбатдаги учрашувларда муваффақиятга эришамиз ва жаҳон чемпионатига йўл оламиз", — деди Роналду “O Bola” нашрига берган интервьюсида.

Маълумот учун, ҳужумчи фаолияти давомида клублар сафида 805 та, Португалия терма жамоасида эса 141 та гол урган.