Ronaldu "Instagram"da "An-Nasr"dagi debyuti haqida post qoldirdi (foto)

Saudiya Arabistoni chempionati 14-turidan o‘rin olgan bellashuvni "An-Nasr" o‘z maydonida "Al-Ittifoq" klubiga qarshi o‘tkazdi. 

Mazkur o‘yinda mezbonlar 1:0 hisobida zafar quchdi. Yagona gol braziliyalik legioner Anderson Taliska tomonidan urildi.

Uchrashuvdan keyin riyodliklar safida debyut qilgan Krishtianu Ronaldu "Instagram"dagi sahifasida post qoldirdi.

"Birinchi o‘yin, birinchi g‘alaba - yaxshi uddaladik, yigitlar! Aql bovar qilmas darajada qo‘llab-quvvatlab turgan muxlislarga minnatdorchilik bildiraman",-deya yozib qoldirdi Krishtianu.