Роналду бугун келажаги борасида қарор қабул қилади

"Манчестер Юнайтед" ҳужумчиси Криштиану Роналду яқин вақт ичида “қизил иблислар” бош мураббийи Эрик тен Хаг билан учрашиб, келажаги ҳақида суҳбатлашмоқчи. Бу ҳақда журналист Фабрицио Романо ижтимоий тармоқдаги саҳифалари орқали хабар бермоқда. Эслатиб ўтамиз, Роналду манкунианликлар сафини тарк этиб, Чемпионлар лигасида ўйнайдиган жамоага ўтмоқчи.

Португалияликнинг агенти Хорхе Мендеш ҳозирда мижози учун янги жамоа изламоқда. Вариантлардан бири “Атлетико” Мадрид бўлиб, футболчи янги мавсум “матрасчилар” шарафини ҳимоя қилиши мумкин. Маълумотларга кўра, Криштиану Диего Симеоне жамоасига ўтиш учун маошини 30 фоизга камайтиришга ҳам тайёр.

Аввалроқ, Мюнхеннинг "Бавария" клуби Роналду трансферидан бош тортган эди. Шунингдек, Лондоннинг “Челси”си ҳам футболчини таклиф қилишни истамаслиги маълум қилинган.