Роналду аламидан йиғлаб юборди (фото)

“Ан-Наср” футболчилари Қирол кубоги финалида ашаддий рақиб “Ал-Ҳилол”ни енга олмади.

Учрашувнинг асосий вақтида кучлар тенг келди – 1:1. Пенальтилар сериясида устунлик “Ал-Ҳилол” томонида бўлди.

Мағлубиятга чидолмаган Криштиану Роналду учрашув тугаши билан майдонга ётиб, йиғлаб юборди. 39 ёшли юлдузни жамоадошлари ва клуб ходимлари юпатишга уринди.

Бу мавсум “Ал-Ҳилол” жамоаси “Ан-Наср”дан ҳар томонлама кучли эканини исботлади. Улар чемпионатда ҳам Роналду жамоасини ортда қолдиришга эришди.