"Реал" ёзда АПЛдан бир йўла 3 футболчини олиб келмоқчи

"Marca" нашри маълумотига кўра, Мадрид клуби ўнг ва чап қанот ҳимоячиларини ҳамда бир ярим ҳимоячини трансфер қилиш устида иш олиб бормоқда. Шунингдек, марказий ҳимоячи ҳам олиниши мумкин — клуб раҳбарияти Давид Алаба, Эдер Милитао ва Антонио Рюдигернинг соғлиғи билан боғлиқ хавотирларга эга.

"Реал"нинг асосий мақсади — "Ливерпуль" ҳимоячиси Трент Александер-Арнольдни олиб келиш. Клуб раҳбарияти Трентнинг жамоага қўшилишини деярли кафолатланган деб ҳисобламоқда. Агар "Ливерпуль" розилик берса, у ҳатто 1–10 июнь оралиғидаги қўшимча трансфер ойнасида "Реал" сафида Клублар ўртасидаги Жаҳон чемпионатида ҳам ўйнаши мумкин.

Шунингдек, "Борнмут" футболчиси Милош Керкез номзоди ҳам муҳокама қилинмоқда. Сўнгги ҳафталарда мадридликлар 21 ёшли ҳимоячининг ўсишини диққат билан кузатмоқда. Ярим ҳимоя чизиғини кучайтириш учун эса мерсесайдликларнинг бошқа футболчиси Алексис Маккаллистер номи тилга олинмоқда.