"Реал" тез орада Бензема билан шартномани узайтиради

"Реал" Мадрид тез орада франциялик ҳужумчиси Карим Бензема билан шартномани узайтиради. Бу ҳақда Marca нашри хабар тарқатмоқда.

Юқоридаги манбаага кўра “қиролллик клуби” 32 ёшли футболчига 2022 йилга қадар шартнома таклиф қилади. Янги келишувга кўра Бенземанинг маоши ҳам оширилади.

Маълумот учун, Бензема “Реал” сафига 2009 йил 35 млн евро эвазига “Лион”дан кўчиб ўтган эди. У жорий мавсум 23 та ўйинда майдонга тушди ва 16 та гол ҳамда 7 та голли узатмага муаллифлик қилди.