"Реал" "Ливерпуль" юлдузи учун таклиф тайёрламоқда

"Ливерпуль" марказий ҳимоячиси Ибраҳим Конате шу ёздаёқ "Реал Мадрид"га кўчиб ўтиши мумкин.

Аввалроқ, "қироллик клуби" франциялик футболчини эркин агент сифатида қўлга киритиш учун келаси йилгача кутишга тайёрлиги ҳақида хабарлар тарқалган эди. "Маrcа"нинг янгиланган маълумотларига кўра, "қаймоқранглилар"нинг режалари ўзгариши мумкин: Ла Лига гранди 26 ёшли футболчи учун яқин ҳафталар ичида "Ливерпуль"га трансфер таклифи билан чиқиши мумкин.

"Реал" жамоага яна бир марказий ҳимоячи керак деган қарорга келди, шунинг учун Ибраҳим Конатенинг трансфери тез орада амалга ошиши мумкин.

"Қизиллар" марказий ҳимоячисининг Transfermarkt сайтидаги нархи - 60 млн еврони ташкил этади.