“Реал” ҳужумчидан воз кечди

“Реал” раҳбарияти катта умидлар билан олиб келинган бразилиялик вундеркинд Эндрикни қишки трансферлар ойнаси даврида бошқа клубга ижарага бериб юборадиган бўлди.

2024 йилнинг ёзида “Палмейрас”дан олинган ўйинчини аввалги бош мураббий Карло Анчелотти бир неча маротаба майдонга тушиб, унинг ўйин амалиётини таъминлаб бераёт ган эди.

Аммо ёзда жамоа Хаби Алонсо бошқарувига ўтган, 19 ёшли ҳужумчига умуман имконият берилмади.

Таниқли инсайдер Фабрицио Романонинг маълум қилишича, Эндрик 2026 йилнинг ёзида бўладиган жаҳон чемпионатида иштирок этмоқчи. Бразилия терма жамоасининг ҳозирги бош мураббийи Карло Анчелотти уни мундиалга жалб этиши учун Эндрик мунтазам майдонда ўйнаши керак.

Шу боис, ёш ҳужумчининг ўзи ҳам “Реал” захирасида қолиб кетишдан кўра, бошқа клубда ўйнаб, Анчелоттининг эътиборини қозонишни маъқул кўрмоқда.