Расман! "Тоттенхэм" голландиялик дарвозабонни ортга қайтарди

Лондоннинг "Тоттенхэм" клуби голландиялик посбон Мишель Вормнинг жамоага қайтганини расман тасдиқлади.

Клуб расмий сайти тарқатган хабарга кўра 35 ёшли футболчи “шпорлар” билан мавсум якунига қадар шартнома имзолаган.

Маълумот учун, “Тоттенхэм” сафида 2014 йилдан буён тўп суриб келаётган эди. Аммо, ёзда шартномаси якунлангач у жамоани эркин агент сифатида тарк этган эди.

Бироқ, Ворм ўзига янги жамоа топа олмади ва шу боис лондонликлар раҳбарияти уни яна ортга қайтаришди.

Эслатиб ўтамиз, “Тоттенхэм”нинг асосий дарвозабони Льорис камида жорий йил охиригача майдонга туша олмайди.