Rasman! "Neftchi" Norchaevning transferini e’lon qildi

Bugun klub rahbariyati navbatdagi transferni amalga oshirdi. Rossiyaning "Alaniya" futbol klubiga tegishli yosh iqtidorli hujumchi Xusayn Norchaev ijara asosida bir yillik shartnomaga imzo chekdi.

Ma’lumot o‘rnida, Xusayn  Norchaev o‘tgan mavsumda Rossiya birinchi divizionida  jami 8 ta uchrashuvda maydonga tushib, 2 ta golga assistentlik qildi. Shuningdek, futbolchi O‘zbekiston olimpiya terma jamoasi safida shu kungacha ko‘plab rasmiy va o‘rtoqlik uchrashuvlarida ishtirok etdi. Shu bilan birga futbolchi milliy terma jamoamizga ham nomzod hisoblanadi, - deya xabar bermoqda "Neftchi" matbuot xizmati.