Расман! "Барселона" бразилиялик дарвозабон билан шартнома имзолади

“Валенсия” клуби дарвозабони расман “Барселона” футболчисига айланди. Бу ҳақда каталонияликлар расмий сайти хабар тарқатмоқда.

Юқоридаги манбаага кўра 29 ёшли бразилиялик посбоннинг трансфери “кўк-анор ранглилар”га 29 млн еврога тушган. Бундан ташқари “кўршапалаклар” кейинчалик яна 9 млн евро бонус ишлаб олишлари мумкин.

Нетонинг ўзи эса янги жамоаси билан 2023 йилга қадар шартнома имзолади. Унинг товон пули эса 200 млн евро этиб белгиланди.

Эслатиб ўтамиз, “Барселона”нинг голландиялик дарвозабони Яспер Силлессен тез орада Нето ўрнига “Валенсия”га йўл олади.