Рафинья: "Энди Чемпионлар лигасини ютиш вақти келди"

"Барселона" Ла Лиганинг 36-турида "Эспаньол" устидан 2:0 ҳисобида ғалаба қозонди ва чемпионликни расмийлаштирди. Жамоа 85 очко тўплади. Ғалабадан сўнг бразилиялик ҳужумчи Рафинья шундай деди:

"Бу менинг иккинчи чемпионлигим ва умид қиламанки, яна кўплаб унвонларга эришаман. Биз фақат ўз ишимизга эътибор қаратишимиз керак. Агар ўз вазифамизни адо этсак ва бошқаларга қараб турмасак, имкониятларимиз ортади.

Биринчи бўлимда ўйинимиз жуда ёмон чиқди, лекин иккинчи таймда анча яхшироқ ҳаракат қилдик. Мен учун шахсан бу мавсумдаги энг ёмон ўйинларимдан бири бўлди.

Мен бунга қаноат қилмайман. Бу футболкада Испанияда қўлдан келган ҳамма совринни ютдим. Энди эса – Чемпионлар лигаси навбати. Бу мураббий ва футболчиларнинг эмас, балки бутун клубнинг орзуси. Бу мавсумда унга яқин бўлдик, кейингисида эса бор кучимиз билан курашамиз" - дея ўз фикрлари билан ўртоқлашди бразилиялик юлдуз.