"Qo‘qon-1912"dan daraklar. Jamoaning yangi futbolchisi kechagi mashg‘ulotlarda qatnashmadi

Baxtiyor Ashurmatov boshchiligidagi "Qo‘qon-1912" jamoasining Qo‘qon shahridagi mashg‘ulotlari davom etmoqda. "Shunqorlar" kuniga ikki mahaldan mashg‘ulotlarda ishtirok etishmoqda.

Bir mahal to‘p bilan mashg‘ulot olib borilayotgan bo‘lsa, keyingi mashg‘ulotlarda murabbiylar futbolchilarning jismoniy holatlarini yaxshilashga e’tibor qaratishyapti.

Kechagi mashg‘ulotlarda Bilolxon Toshmirzaev ishtirok etmadi. Sababi bir kun oldingi mashg‘ulotda yangi futbolchi biroz jarohat olgan edi.

Jamoaning Qo‘qondagi o‘quv-yig‘in mashg‘ulotlari yakuniga etishiga oz vaqt qoldi.