Қиличбозлик. Вакилларимиз ЖЧ навбатдаги кунида қандай натижалар қайд этди?

Миср мезбонлигида ўтаётган қиличбозлик бўйича Жаҳон чемпионатининг навбатдаги куни вакилларимиз учун поёнига етди.

Афсуски, ҳамюртларимиз саралашнинг илк босқичидаёқ ўз юришини тўхтатди. Умида Илясова тажрибали рақибасига деярли қаршилик кўрсата олмаган бўлса, Роман Александров баҳс сўнгида кетма-кет очколарни бой берди.

Файзулла Алимов иштирокидаги жанг асосий вақти 11:11 ҳисобидаги дуранг билан якунланди. "Олтин очко" учун кечган баҳсда омад рақиб томонга кулиб боқди.

1/32 финал:
Умида Илясова – Алина Полозюк (Украина) 3:15
Файзулла Алимов – Гергели Циклоси (Венгрия) 11:12
Роман Александров – Игор Рейзлин (Украина) 9:12.