ПСЖ Неймарни "келган жойига" қайтариб юбормоқчи

ПСЖ раҳбарлари «Барселона» билан боғланиб, Неймарнинг трансферини ташкил қилишни таклиф қилишди. Бу ҳақда Foot Mercato нашри хабар бермоқда.

Айни дамда Париж клуби раҳбарлари сўнгги бир неча ой ичида ҳужумчи учун янги клуб топишга ҳаракат қилмоқда.

Яқинда парижликлар Европанинг бир қатор грандлари, жумладан, «Барселона» билан музокаралар олиб боришди. Асосий масала узоқ муддатли режаларга киритилмаган Неймарнинг сотилишидир.

Ҳозирча "Барселона" раҳбарияти бу таклифга қандай муносабат билдириши аниқ эмас.